Thumna Makai | KTZ

Thumna Makai | October 2019

1. SEPNAWNNI: Toupa’n kha thak mel hon muhsakna ah kipahthu gen ni. October 1-6 sung Rev K Kamchinkhup, Director of Missions leh Upa T Paukhansiam, Missions Co-ordinator in Himalayan Mission Field khawmpi uap ding ua, Field saptuamte vehna leng nei ding uh, thumpih ni.

2. NILAINI: October 3-6 sung EBC Mizoram Division Khawmpi omding a, Rev Gin Malsawm Director SD, Rev Dr V Ginsianthang DS leh Pastor Dr Suankhanhau Gualnam-ten thutak gen ding uh, Pathian Kha ompihna ngen in thumpih ni.

3. NINGANI: October 4-7 sung Dimapur Pastor Bial in Hotdamna Camp ah, Evan. Lianding Guite in thu gen ding. Hiai hun sung mah in Mata BCD in Naupang Hotdamna Camp neiding a, Evan. T Damkhothang in thu gen ding. Hiai hun mah in EBC Vangai Division Khawmpi, Buangmun ah om ding, Rev G Kamzamuan DS, Pastor G Pauzarual leh Pastor B Kamkhenthang-ten thu gen ding uh. Thumna in phawk ni.

4. SINTAWPNI: October 4-7 sung EBC Singngat Division Kumsim Khawmpi, EBCC Mualnuam ah om ding a, Rev Paukhanmang Guite, General Secretary thugenpi in pang ding, sun hunte ah seminar leng makaih ding hi. Hiai hun toh kituak mah in EBC Lamka South Division in leng Division khawmpi, EBCC Hebron ah nei ding a, Rev V Khamvum in thutak gen ding. Khawmpi lohching leh Pathian Kha pawlna ngen in thumpih ni.

5. KIGINNI: Convention English School-ten September kha tan in Evangelistic Week zangzou chiat ta ua, piangthak leh Khrist nungzui muanhuai hidia kipethak tamkhop om, kipahthu gen in, thumpih zom zel ni.

6. NIPINI: October 7-9 sung Living Word Centre, Hmuia Veng in Crusade programme zang ding a, Evan. T Damkhothang in thu gen ding, lohching tak a zat ahihna ding in Pathian ompihna ngen in thum ni.

7. SEPPATNI: Pathian in hinkhua ning kitel a, kingaisiate kepna ding LRRC hon piak ziak a kipahthu gen in, hiai mun a semtute leh etkol a omte thumpih ni.

8. SEPNAWNNI: October 9-11 sung EBC Lamka North Division Upa Camp omding a, Rev K Kamchinkhup, Director of Missions in thu gen ding. Pathian Khasiangthou vehna ngen in thumpih ni.

9. NILAINI: October 10-13 sung EBCC Gilgal, Mimbung in chialpi neiding a, Evan. T Damkhothang leh T Thangkhansiam in thu gen ding. Thumpih ni.

10. NINGANI: October 11-13 sung EBCC Dorcas Veng in Second Coming Chialpi nei ding a, Rev Gin Malsawm, Director, SD in thu gen ding, thumna ah phawk ni.

11. SINTAWPNI: Kumnawn, 2020 in Tuailai Khawmpi Lian leh Mission Khawmpi Lian gawmkhawm a neih ding CEC in phalna pia, Pathian deihna bang leh Mission nasepna hatsemna ding a hun zat ahihna ding in thum ni.

12. KIGINNI: Thanlon Division Missions Committee makaih a kha khat a Prayer Walk kineizel, tukum a ding a a zohna November 16-17 sung NE Tangnuam ah neihsawm uh, lohchingtak a aneih theihna ding un thumpih ni.

13. NIPINI: Zodawn a Saptuam kemtu Pastorte leh Upate ziak a Pathian kiang a kipahthu gen in, salam leh khalam a Saptuamte hon makaih ua, khamuanna tuntu ahihtheih zelna ding un thumpih ni.

14. SEPPATNI: Sept. 2-6 sung CES Songtal in Evangelistic week nei ua, Evan. N Thangsuanpau thugenpi in pang hi, piangthak naupang 12 in Sept. 15, 2019 in Baptisma tang uh, kipahthu gen ni. Division chih leh Mission field-te’n khawmpi neizou chiatta uh, kipahthu gen ni.

15. SEPNAWNNI: October 16 zingchiang in CEC Meeting om ding, Pathian apan pilna leh vaihawm siamna ngen in member tengteng thumsak ni.

16. NILAINI: October 17-20 sung BYF Day, EBCC Hiangtam Lamka ah Rev K Kamchinkhup, Director of Missions in thu gen ding. Pathian ompihna ngen in thumpih ni.

17. NINGANI: October 17-20 sung BYF Day, EBCC Vengnuam ah Rev S Vung Minthang, Director of Ministries in thutak gen ding. Pathian pina leh makaihna ngen in thumpih ni.

18. SINTAWPNI: October 18-20 sung BYF Day programme, Bethlehem ah Evan. Lianding Guite thugenpi in pang ding. Hiai hunsung mah in Evan. T Damkhothang in EBCC Kolkata, BYF Day ah thu gen ding. Thumna ah phawk ni.

19. KIGINNI: October 20, BYF Day in EBCC Kanaan ah Rev Gin Malsawm, Director SD in thutak gen ding. Hiai ni mah in EBCC Game Village BYF Day ah Rev V Thangkhanmuan, Youth Co-ordinator in thu gen ding a, Rev M Zalian Guite, DS Thanlon in EBCC Sinzawl ah thu gen ding. Thumna in phawk ni.

20. NIPINI: Tuni EBC Saptuam omna munteng ah BYF Day kizang ding, lohching leh manphatak a zat ahih a, tuailaite lak a kha khanlohna hong tunna ding in thum ni.

21. SEPPATNI: October 22-27 sung ZPCS Zo Colony in chialpi nei ding a, Rev K Kamchinkhup, Director of Missions in thu gen ding. Pathian ompihna leh Khasiangthou pawlna ngen in thumpih ni.

22. SEPNAWNNI: October 23-26 sung EBCC Kanaan in Leaders’ Camp nei ding a, Evan. Lianding Guite thugenpi in pang ding. Khasiangthou pawlna ngen in thumpih ni.

23. NILAINI: October 23-27 sung Headquarter Church, MELC Zo Colony in Hotdamna Camp nei ding a, Rev Gin Malsawm, Director, SD in thu gen ding. Khasiangthou vehna ngen in thumpih ni.

24. NINGANI: Thanlon Division sung ah sum leh pai a giautau tak a om in kitoudelh haksa mahmah, pukse zenlou a hong pai zomzel theihna ding in thumpih ni.

25. SINTAWPNI: October 26-27 sung EBCC Songtal in Buhthak tunga kipahthu genna hun zangding a, Rev Paukhanmang Guite, General Secretary in Thutak Ankuang lui ding. Toupa ompihna ngen in thumpih ni.

26. KIGINNI: October 27 in EBCC Dimapur in Mission Motivation programme hun zang ding ua Evan. T Damkhothang in thu gen ding hi, lohching taka zat ahihna ding in thumna ah phawk ni.

27. NIPINI: October 28 in Imphal Division BCD Inter-Senior seminar nei ding ua Evan. Lianding Guite sinsaktu in pang ding, lohching tak a zat ahihna ding in thugentu leh a tel ding mi tengteng thumpih ni.

28. SEPPATNI: EBC Khawmpi Lian 71na Gospel Centenary Hall ah December 5-8 sung neih hiding. Hunpi zang dingte: 1. Rev. Dr Vee Tetseo, General Secretary APBF. 2. Rev Nang Lyankap, President, EBC Myanmar. 3. Zing Devotion & Bible Study pitu Rev S Vung Minthang DM. Thumna in phawk ni.

29. SEPNAWNNI: October 30- Nov.1 tan EBCC Bungmual in Papi la camp nei ding ua, Rev K Kamchinkhup, Director of Missions thugenpi in pang ding. Lohching tak a zat ahihna ding in thumpih ni.

30. NILAINI: December 4-5 in EBC Centenary Hall leh EBCC Hebron ah Workshop on Worship kisinsakna om ding. Rev Dr Vee Tetseo, General Secretary APBF leh Bijoy A. Sangma, Vice President, APBF-ten sinsak ding uhi. Thumna in phawk ni.

31. NINGANI: October khatawp tan honpi tung i biak Pathian kiang a kipahthu gen in, tukha sung a Amah deilouh bang i sepkhakte ah ngaihdam ngen ni.

CONTACT DETAILS

Headquarter
Evangelical Baptist Convention
P.O. Box - 6
Dorcas Hall
New Lamka - 795 006
Churachandpur
Manipur, India


Phone: +91 8259014118
Email: [email protected]
Locate us

MINISTRIES

© 2019 Evangelical Baptist Convention. All Rights Reserved. Designed & Maintaines by 🔵🔴⚪ EBCMedia