Innsung Thu | KTZ

Innsungthu | January 2019

EBC KUMSIM KHAWMPI 70NA REPORT TOMKIM

December 6-9, 2018 sung Gospel Centenary Hall, New Lamka a EBC Kumsim Khawmpi 70na neih ahi a, Pathian ompihna thupi tak toh khalam vualzawlna tampi dong a khawmpi hun zat zoh ahi. Saptuamte theih dia poimoh deuhte tamlou i taklang ding.
1. Khawmpi thupi “Pathian Pomtak Biakna” [Romte 12:1]
2. Thugentu: Rev L Kham Kho Lun; Devotion pitu: Rev V Khamvum
3. Thugenna hun 3 leh Devotion hun 3 neih hi a, Pathian Pomtak Biakna pethei dia mimal leh saptuam a kipiakna leh panlak thakna ding hanthawnna thu manpha tamtak kisinsakna tungtawn in Khalam Vualzawlna tamtak dong in kipahna thupi mahmah hi
4. EBC Central Choir in Biakna makaih in, Phatna late tungtawn in Khalam vualzawlna tamtak kidong chiat hi
5. December 7-8, 2018 sung Palaite Vaihawmna kinei a, Palai 1139 lak ah 968 kihel thei hi. Pathian ompihna toh vaihawmnate lamzang in chidam mahmah hi.
6. Semtu/Pensioner hon sihsan mi 5 leh Upa hon sihsan 12te sunna leh a Inkuante uh adia khamuanna ngetsakna hun General Secretary in zang hi.
7. Ordain Upa 23te amau kum 70 a chin toh kiton in Pahtakna Memento leh Sum piak ahi. Tuabanah, Semtu mi 8te kiang ah amau taksa kum 65 chin toh kiton in pahtakna Memento kipia hi.
8. Tutung khawm in Upa ding in mi 14 Ordination pia a, Pastor ding mi 7 Ordain hi
9. April 2019 – March 2020 sung Budget ding a nuaia bang ahi:
a) GAD : Rs.15 Crore
b) Missions : Rs. 5 Crore = Rs. 21.10 Crore
c) GBC : Rs. 1.10 Crore
10. Kum 2019 Khawmpi hun a Vaihawm Ulian ding a anuaiate telching ahi:
Business Chairman : Upa Dr J Son Goukham
Business Vice Chairman : Upa Joel G Hangzo
Business Recording Secy : Upa M Thanglianmang
Business Asst. Rec.Secy : Upa K Khamzamuan
11. Kum 2019-2021 sung Saptuam Makai ding a telchingte:
General Secretary : Rev Paukhanmang Guite
Director of Ministries : Rev S Vung Minthang
Director of Missions : Rev K Kamchinkhup
Director Social Development : Rev Gin Malsawm
Divisional Superintendent:
Mizoram Division : Rev Dr V Ginsianthang
Thanlon Division : Rev M Zalian
Singngat Division : Rev N Thawndoulian
Lamka South Divn : Rev L Khaikhansong
Lamka North Divn : Rev V Thangkhangin
Imphal Division : Rev V Nenglian
Vangai Division : Rev G Kamzamuan
Field Superintendent:
Himalayan Field : Rev Lalmalsawm
Dhemaji Field : Rev T Thangzasiam
Karbi Anglong Field : Rev N Tuanglang
Manipur Field : Rev S ThangJohnson
12. Khawmpi in EBC Tualsung Saptuam thak 3 pomna nei hi:
1. EBCC Valveng, Lamka South Division
2. EBCC Chandigarh, Chandigarh
3. EBCC Manja, Karbi Anglong

13. Tualsung saptuam tamtak in a na zat lel Ordain Upa Uniform Vom Khawmpi in theihpihna (recognition) piak ahi a, a zat dingdan CEC in hon enzui ding hi.

14. EBC in Hospital bawlding thupuk ahi a, a sepkhiak dingdan CEC mohpuak a ngak ahi.

Hiai Toupa hih ahi a, i mitmuh uah a lamdang hi. Hallelujah!

-Rev Paukhanmang Guite, Director of Ministries

GRACE BIBLE COLLEGE GRADUATION 36VEINA
1981 kum a neuchik leh thupiloutak a kipankhia Grace Bible College tukum 2018 tan dong, Pathian hehpihna ziak in kum teng a Graduate ding mi kitatsat lou in om gige hi. Pathian ziak kia ahi chih louhngal a genchetna ding thumal dang omlou ahihman in Pathian min phat in om hen.
A 36veina commencement Service December 5, 2018 in Centenary Hall, New Lamka ah neih in om hi. Hiai hun ah Rev V Khamvum Principal in Degree piakna nei a, Rev Uday Kumar Asst. Regional Secretary Asia Theological Association India in Commencement Message genna nei hi. Upa Dr J Songoukham, Chairman BOG in mipi vaidawn thu gen a, Upa Vanlallawm Guite, Vice Chairman BOG in Awards and Gifts hawmkhiakna nei a; uaptu mipi tamtak hall sung ah dim phitphet in tu uhi. Tutung a graduated students hiai bang ahi: Master of Divinity degree ngah 23, Bachelor of Theology degree ngah 26, Diploma in Theology degree ngah 4 leh Ministerial Training Course zou 60 pha uhi. Avek ua gawmkhawm in graduated students 113 pha hi. Individual Awards hawmkhiakna leng om ngal-a award sang student-te hiaite ahi uh: Mr Siamlalmuan in Best Student Award sang, Mr Paugoulian in Mission Award sang, Miss Chinglianmawi in Academic Award (overall) sang, Mr Kapginlian in Academic Award (M.Div) sang, Miss Kiltina Engtipi in Academic Award (Dip.Th) sang hi.

Commencement Service Speaker in a thugenna ah Laisiangthou sin poimoh, theih poimoh ahihdan gen hi. Himahleh sinna leh theihna hoihtak nei napi a, Laisiangthou in a kigenpa Jesu Khrist neihlouh khak ding lauhuai petmah ahihdan uangtak in gen hi. Huaiziak in thil nih poimoh mahmah Laisiangthou leh Jesu Khrist ahi chi hi. Na Laisiangthou theihna in Jesu Khrist a hon theichian sak hia? Saptuam ah kalteng a Laisiangthou sinna hun na zang uhia? Mimal in niteng a Laisiangthou sinna hun na zang hia? chihte dotna bawl kawm in genchetna hoihtaktak pia hi. Jesu’n Pharisaite maitang a a thugente apan in kivelna ding thu tampi gen hi. Pharisaite kiang a, na sahkhawmi ua, biakna na limsak ua, khawlni na tangsiangthou ua, dan thupiakte na ngai poimoh uh, himahleh kei kiang ah na hong pai ngeikei uhi a chi. Hiai thute apan in Jesu mahmah theihchet a poimoh dante gen hi.
Principal thak: Rev V Khamvum, Principal Grace Bible College, EBC kivaipuakna dan toh kituak in a sepna apan pension ta hi. Principal GBC mohpuakna sunzom ding in Rev Dr Khamkhanchin ahita, aman 2019 apan in hiai mohpuakna lenta ding hi. Pathian in a nna semtu ding kitasam lou in khat khit khat honpe zel a kipahhuai i sa hi. Saptuam mite’n thumna tamsem in Principal thak leh GBC a semtu tengteng kithuahpih ni.
________
KIPAHTHU GENNATE:
• Kaikho-En Academy kipahthu – EBCC Suangdoh a om Kaikho-En Academy (CES) in October 16-18 sung Imphal ah Student Educational Tour nei uhi. Hiai tour a hohten nuam leh manpha sa mahmah ahihman un kipak lua ua, hiai tour paina ding toh kisai a Saptuam leh mimal panlakpihtu tuamtuamte tung a a kipahna thu uh KTZ tungtawn in hon gen uhi.
• EBCC Vaikhotlang kipahthu – Ebenezer Academy, EBCC Vaikhotlang in a School building lambeh uleh a Biakin lam uh zouta ua, quarters a van zat ding Sintex, Water Filter leh TV te a neih ziak un kipak mahmah uhi. Hiaite a lohchinna ding a panpihtu Headquarters leh Lamka South Divisionte tung a a kipahna thu uh KTZ tungtawn in hon taklang uhi. Toupan manphatak a zang ding in vualzawl chiat hen.
• EBCC T Khuangkhai kipahthu- Pu Langginthang, Lailam Veng, Lamka a om in a khualui a mite leh a kiim a teng mite a itna leh ngaihnatna ziak in T Khuangkhai Convention English School a kaite kum tawp a a fee pezoulou tengteng a fee uh piaksak vek hi. Huan Khuangkhaite biakin mun amah JCB a a notmai (levelling) sak ziak in kipak mahmah ua a kipahna thu uh KTZ tungtawn in taklang uhi. Pathian in amaute vualzawl chiat hen.

TRANSFER AND POSTING
Co-ordinators:
1. V Thangkhanmuan, Guwahati apan Youth Coordinator, Dorcas Hall
2. Nemngaihmawi, Suangdoh apan Dorcas Coordinator, Dorcas Hall

Ministries Department Pastorte:
1. E Paukhanlian, DS LND apan College Veng LSD
2. T Dinkhansuan, B kaljang apan Immanuel Hqrts LND
3. Thangminlun Mangte, Bangalore apan Zenhang Lamka LND
4. MT Khanlal, Zenhang Lamka apan Hebron LSD
5. K. Sonlian, Thanlon apan Bangalore
6. B Kamkhansawm, Buangmun apan Thanlon TLD
7. T Khupkhansiam, Palkhuang apan Tribal Colony ID
8. Thangbiakmuang Guite, Mimbung apan Lamphelpat ID
9. Thangbiaksang Ngaihte, Vengnuam Jiribam apan Guwahati
10. H. Biakson, Delhi apan Delhi
11. T Tunthianmang, April a training zou di G Mualkawi LSD
12. T Thanglianmung, April a training zou di V Munhoih LSD
13. L Paukhankhup, first posting B. Kaljang LND
14. Suankhanhau Gualnam, first posting Mimbung MZD
15. N Khualmang, first posting Palkhuang TLD
16. G Pauzarual, first posting Buangmun VNGD
17. Khenthang Buansing, first posting Vengnuam Jiribam VNGD

Missions Department:
1. T Nengminlun, Karbi Anglong apan Dhemaji Field
2. L Pauchinlal, Karbi Anglong apan Nagpur MVM
3. NK Naulak, Karbi Anglong apan Nagpur MVM
4. K Siamzoulian, Karbi Anglong apan Nagpur MVM
5. K Kamkhenthang, Karbi Anglong apan Nagpur MVM
6. H Jamkhanmang, Karbi Anglong apan Nagpur MVM
7. Manzarual, Karbi Anglong apan Convention Book House
8. V Ginsonthang, Dhemaji apan SD Director in posting bawl ding
9. H Nangkhankhual, Dhemaji apan SD Director in posting bawl ding
10. Gounemlian, Dhemaji apan SD Director in posting bawl ding

Social Development Department:
1. Paukhanlun Valte, Sinzawl apan Suangdoh SNGD
2. S Chinzapau, Teikhang apan Sinzawl TLD
3. H Thanglianding, Lungthul D apan Teikhang MZD
4. TC Song, Khuanggin apan Lungchin SNGD
5. V Sialchin, G Mawnglian apan Thuangtam SNGD
6. S Vungzakhup, Thuangtam apan Behiangjang SNGD
7. G Langmuanthang, Behiangjang apan Lungthul D SNGD
8. Tualzakam Guite, Beth-Haran apan New Kangkap SNGD
9. V Nengzamuan, Lungchin apan Buangmun VNGD
10. E Khailianthang, Buangmun apan Chingmun VNGD
11. E Kamkhansuan, Chingmun apan Behiang T SNGD
12. L Haulal John Ngaihte, Suangdai apan Teikhang MZD
13. M Thawngzakhup, Songtal apan G Mawnglian LSD
14. Ngaikhawlching, Thanlon apan Mimbung MZD
15. Chiinsonching, Mimbung apan Beth-Haran
16. B Niangthianhoih, Teikhang apan Thanlon TLD
17. V Ginsonthang, Dhemaji apan Songtal SNGD
18. Damkhanmuan, Aibulon apan Khajang TLD
19. HN Khankhual, Dhemaji apan Aibulawn TLD
20. Gounemlian, Dhemaji apan Aibulawn TLD
21. V Tualkhenmang, training zou Suangdai SNGD

CONTACT DETAILS

Headquarter
Evangelical Baptist Convention
P.O. Box - 6
Dorcas Hall
New Lamka - 795 006
Churachandpur
Manipur, India


Phone: +91 8259014118
Email: ebc.india@gmail.com
Locate us

© 2018 Evangelical Baptist Convention. All Rights Reserved. Designed By EBC