Innsung Thu | KTZ

Innsungthu | Nov. 2018

Khaloh lakmasakpen pia

  • Dr. S Thianlalmuan Ngaihte s/o (L) S Vungzagin in, Government of Manipur nuai ah Assistant Professor a join nung a a khaloh lak masakpen Pathian tung a kipahthu genna in a awmna Saptuam EBCC Shillong ah pia hi.
  • Miss Ngaibiaklun Thomte d/o Rev Kamzakham in a sepna a promotion a muh ziak a Pathian tung a kipahthu genna in a khakhat loh a omna Saptuam EBCC Bangalore ah pia hi. Pathian in amaute vualzawl zel hen.KIPAHTHU GENNA

EBCC Lamzang kipahthu:
EBCC Lamzang Building Committee in Biakinn puahna ding a panpihna Ankuang Sept. 13, 2018 a EBCC Hebron Sunday Skul Hall a lui uh panpihna a ann va neksak tengteng tung leh Hall khelsak EBCC Hebronte tung ah kipak mahmah uhi. Tuaban ah, Lamzang BYF in kum 3 sung project a a neih uh Sound System hoihtak a neihtak man un, kipak mahmah uhi. EBCC Lamzangten hiaite tengteng a panlakpihte tung a akipahthu uh KTZ tungtawn in hontaklang uhi.

EBCC Vengnuam Mizoram kipahthu:
- EBCC Vengnuam, Teikhang, in Sound System a poimoh mahmah uh EBCC Vengnuam, New Lamka in a pia.

- EBCC Zenhang Lamka a om mikhat in Stabilizer 5 KVA hoih mahmah khat pia.

- EBCC HQ. in Computer khat pia.

- Mr. T. Ginlianthang s/o Upa T. Thuamzakap, Vengnuam, Teikhang in Secondary School a Teacher sepna Appointment ngahthak a Pathian tung a kipahthu genna in a khaloh lakmasakpen TBYF ading in pia hi. Hiai atung a kitaklang teng ziak a kipak petmah ahih man un EBCC Vengnuam, Teikhang in a kipahna thu uh KTZ tungtawn in hontaklang uhi.

GES Mualnuam kipahthu:
Grace English School building thak June kha sung in bawl zou ua, tun building thak ah kaita uhi. GES Mualnuam in tukum 2018 Evangelist Week program leh chialpina Sept. 13-16, 2018 sung nei ua, Rev. B. Chinkhengoupau, C/C in thu gen a Pathian ompihna toh lohchingtak in zou uh hi. Hiaite ziak a a kipahna thu uh KTZ tungtawn in hon gen uhi.

Camp lohching:
EBCC D Leikot Lamka South Division in October 10-14 sung Hotdamna Camp nei uh a; Evan. G. Thangboi leh Evan. Letminthang Haokip te’n thu gen uhi. Camper 150 lak ah, piangthak 43, kilatthakna nei 34, thilchin hoihloute tawpsan dia thupukna bawl 48 pha uhi.

BIAKINN SUANGPHUM
EBCC Bangalore Biakinn lam patna ding Suangphum phumna leh a mun latna October 13, 2018 nitaklam dak 2:00 pm in Rev. S. Vung Minthang, General Secretary, EBC in nei hi. Hiai program ah EBC Saptuam mi leh Saptuam dang apan mi 70 vel paikhawm uhi.

MISSION FIELD A ZAT DING GARI THAK PIA:
Pa S Kamkhogin, EBCC Central Lamka leh a Inkuante’n Mission Field a poimohna munmun a zat ding in Motor khe li nei WagonR pia uhi. Central Mission Sub-committee memberte tel in October 4, 2018 zing dak 9 am in Dorcas Hall kong ah Rev Vung Minthang G/S in Pathian kiang a latna nei hi. Pathian in khamangthang matna ding, Jesu Khrist pumpi lamtouhna ding a vanzat suaksak hen.

EBCC MUMBAI IN GARI THAK NEITA:
EBCC Mumbai in khalui in saptuam zat ding Gari thak neita ua Local Pastor Thangkhenmung in latna nei hi. Pathian in khopi a saptuam a hon phuhkhiak sakte hon kem in i poimohte a hunhun a hon pe zel ahi chih i thei. Toupa min phat in om hen.

 

CONTACT DETAILS

Headquarter
Evangelical Baptist Convention
P.O. Box - 6
Dorcas Hall
New Lamka - 795 006
Churachandpur
Manipur, India


Phone: +91-3874 233340
Email: ebc.india@gmail.com
Locate us

© 2018 Evangelical Baptist Convention. All Rights Reserved. Designed By EBC