Innsung Thu | KTZ

Semtu March 2018 a pensionte

I. KIPAHTHU GENNA
• EBCC Chennai kipahthu: Mrs. Peimi in a pasal Kap Lemjoy (s/o Upa Thanglianpau G Mualkawi) Chennai a om March 1, 2018 a a na sihsanta theihgigena leh Pathian gam nasepna ding a ACTIVA, EBCC Chennai a a piak ziak in Saptuamte kipaklua in a kipahna thu uh KTZ ah hon taklang uh. Petute leh piak a omte Pathian in vualzawl hen.
• EBCC Kaihlam kipahthu: EBCC Kaihlam CES awlmohna ziak in Pu T. Lalzagou, Chairman CSSC in Class A to Class II te subject office copy ding amah mimal kiphalna in a thawn a a piak ziak in amah tung ah khomipite kipak mahmah ua, akipahna uh KTZ ah hon taklang uhi.
• EBCC Songtal kipahthu: EBCC Songtal in Sunday Skul leh CES Junior High School Building a lam uh Feb. 12, 2018 in Rev. Gin Malsawm, Director S/D in honna leh latna nei hi. A building zou siang chiah kei mahle uh (a sung plaster nailou) luahtheihta ahih man in kipak mahmah ahih man un a kipahthu uh KTZ ah hon taklang uhi.
• CES Palkhuang kipahthu: EBCC Palkhuang, CES School kilam zoh hita a March 10, 2018 in Rev. Gin Malsawm, Director S/D in honna leh latna nei in khosung mipi’n ankuang umkhawmna nei uhi. Hiai School lamna toh kisai a panlak pihte tung a a kipahna thu uh KTZ ah hon taklang uhi.
• EBCC Khuanggin kipahthu: EBCC Khuanggin ah December 29, 2017 nitak in huailai a bialtu Pastor S Thangzamang in vehna nei a Pathian Kha nasep ziak in mi nih in Baptisma tang ua a zing in nupa kop 5 in Saptuam dan a kiten thakna nei uhi. Pathian tung leh bialtu pastor tung a kipahhuai sa in KTZ a hon taklang uhi.
• CES Suangdai apan kipahthu: Apaisa January 12, 2018 ni in EBCC Immanuel BYF ten CES Suangdai Singngat Divison Student-te vanzat ding thilpiak manpha taktak Exercise Book 700, Instrument Box, Pencil Colour150 pieces leh Teacher-te ading pen, staple leh a sum Rs 3000/- tawi in; amau mahmah kalsuan in pia uhi. Hiai thilpiak tangkha naupangte leh anu leh apate uh leh Saptuamte mipi kipak mahmah ahih man un KTZ ah a kipahna uh taklang uhi.


II. KHALOH LAKMASAK PIA UH
• Ms. D. Vunglalzou d/o D. Nangkhogin of New Lane, Bungmual in a sepna Vijaya Bank a Probationary Officer a promotion a muh ziak a Pathian tung a kipahthugenna in a khaloh lak masakpen tua a omna EBCC Banglore Saptuam ah pia hi.
• Miss Niangbiakmuan d/o T Nengzalian, Bungmual Bethany in Indigo Flight ah Ground Staff a sepna mu a a khaloh lakmasakpen tua a omna EBCC Guwahati ah Pathian gam nasepna ding in pia hi. Kipahhuai i sa mahmah hi, Pathian in amaute tamsem in vualzawl hen aw.
M. Div. Zouthak : Pathian in i thumnate uh hon dawng in Pastor T Paukhanmang in July 3, 2016 a Barean Baptist Bible College & Seminary, Bangalore a M. Div. (Missiology) a va zil March 9, 2018 in zouta hi. Amah EBCC Tangnuam Saptuamte kem in Tangnuam ah om hi. Kipahthu gen in thumna ah phawk zel ni.


III. EBC SUNG A SEMTU MARCH 2018 A PENSIONTE
Hiai anuai a EBC Worker ten EBC Saptuam tungtawn a Pathian gam Nna a sepna uh Pathian pina toh EBC Bye Law dan a a taksa kum 65 chinna toh March 28, 2018 in EBC sung a sepna uh pension ta uhi:
1. Evan. Amukhomba @Vimo Singh in June 1, 1991 in sem pan a February 28, 2018 in pension hi.
2. Evan. Teacher Upa Kamkhohen in September 1,1982 in sem pan a February 28, 2018 in pension hi.
3. Rev V Khamvum in January 1, 1982 in sem pan a February 28, 2018 in pension hi. Amah ahihleh CEC thupukna bang in March 1, 2018 apan December 31, 2018 tan GBC Principal ding a Re-engaged bawl ahi.
4. Evan. Kania Hanse in October 11, 1991 in sem pan a amah taksat hatlouhna ziak in a taksa upat kum 63 in full pension March 1, 2018 in la hi.
5. Pastor Dr. Hs Chinsuanthang in January 1, 1994 apan Pastor na kum 24 sung a sepnung in amah taksa upat kum 65 chin toh kitawn in March 20, 2018 in pension hi.

 

Toupan amaute vualzawl hen.

 

© 2018 Evangelical Baptist Convention. All Rights Reserved. Designed By EBC