General News

EBC Delegate Khawmpi hohte vaidawn

EBC Delegate Khawmpi 44 veina, “Pasiam’ Mi” ITim. 6:11 thupi a zang in Emmanuel EBC, Tamu ah February 21-24, 2019 sung neih a om ah, EBC India akipan EBC Central Choir te leng Youth Coordinator makaih in va hoh ua, damtak in hong tungkik ta uhi.

Hiai delegate khawmpi a hohte tuni nitaklam in vaidawnna Mini Auditorium Dorcas Hall Campus ah neih in om hi. Hiai hunzatna Director of Ministries in makaih a, Vaidawnna General Secretary in Romte 10:15(b) sim nei hi. Central Choir te akipan phatna lapawl “Vuithei ka hi lou” leh “Honpi zel in” chih la siamtak a asak uh ngaihkhiakna om hi.

Khawmpi report khawmpi hohte akipan ngaihkhiakna om hi. Report dungzuiin hospitality thupi leh lungtunhuai a sak dan uh a gen banuah, Pathian’ nnasep hamphathuai ahihdan, chihtakna toh heutute a zahtak dan uh etton huai a sak dan uh leh tutung khawmpi sawtpi akipan ana lamet bang ua hohthei ahihman un kipahhuai sa uhi.

Tuateng zoh in Director of Ministries in kipahthu gen in Director of Missions in thumna in hun khak hi.

CONTACT DETAILS

Headquarter
Evangelical Baptist Convention
P.O. Box - 6
Dorcas Hall
New Lamka - 795 006
Churachandpur
Manipur, India


Phone: +91 8259014118
Email: ebc.india@gmail.com
Locate us

© 2018 Evangelical Baptist Convention. All Rights Reserved. Designed By EBC