General News

EBCC Behiang (T) in Golden Jubilee Lawm

Evangelical Baptist Convention Church (EBCC) Behiang (T) Singngat Division EBC in saptuam kiphuhkhiak nung kum 50 chin lopna tuni October 27, 2018 in thupitakin nei uhi. EBCC Behiang (T) 1968 in Pu Nengpum makaih in ana kiphutkhia a, founder member in Pu Nengpum, Upa Dalsompau, Enkhosuan leh Khamzadou ten a pang uhi.

Zinglam Dak 11:00 in program kipan a, nitaklam dak 3:00 vel in zou uhi. Jubilee suang honna leh Dakpi satna, slogan sapna Upa Thangdoukap in makaih a Rev. S. Gin Malsawm, Director of Social Development EBC in Jubilee suang honna leh Pathian kianga latna nei hi.

Golden Jubilee lopna hun Upa V. Tualkhansong in makaih a, Rev. S. Thanglian in thumna in hun pan hi. EBC Central Choir te akipan Halleluiah Chorus sa in Local Chairman EBCC Behiang (T) in mipi paikhawmte vaidawn thu gen hi.

Phatkhawmna hun ah BYF EBCC Singngat ten makai ua, Rev. G. Kamzamuan, DS Singngat Division EBC in Souvenir hong in Jubilee Message genna leng nei hi. Tuazoh in Saptuam makai hon na paisansate sunna leh thumkhawmna hun Upa Thongenkham makaih in om hi.

Rev. S. Ginmalsawm, Director of Social Development EBC in thugenna hunpi khat zang hi. Aman a thugenna ah Jubilee hong pian dan, Jubilee tungtawna agahkhia a om ding, Jubilee tungtawn a ki ngaihdamna chih te leng a om ding ahihdan gen hi.

Jubilee Celebration Committee in heutumasate, Founder member, Pastor a ana omkha ngei, Evangelist Teacher a ana pang kha teng kiang ah kipahna thilpiak memento pia in, Pastor S. Thualgouthang in hunkhakna leh annkuanglatna nei in Jubilee lopna Sial khat gou in mipi paikhawm ten annkuang umkhawmna nei uhi.

Jubilee lopna program hunsung in Jubilee gahsuahna hiding in Upa V.Tualkhansong, Headmaster CES Behiang (T) in school naupang laibu man ba te teng a vek un ngaihdam thupuan bawl hi. Program zat hunsung in Pathian phatna la EBC Central Choir, BYF Bethlehem EBC, BYF EBCC Singngat leh Miss Mansiankim ten sa uhi.

 

CONTACT DETAILS

Headquarter
Evangelical Baptist Convention
P.O. Box - 6
Dorcas Hall
New Lamka - 795 006
Churachandpur
Manipur, India


Phone: +91-3874 233340
Email: ebc.india@gmail.com
Locate us

© 2018 Evangelical Baptist Convention. All Rights Reserved. Designed By EBC