General News

Central Dorcas Sub-Committee (CDSC) saina in Saptuam sunga Semtute Zite leh Semtu Numeite Camp tuni (February 12, 2019) in Gilead Tlang, Kawnpui, Lamka ah kipan hi. “Pathian Pomtak Nasemtu” 2Tim. 2:15 chih thupi in nei ua, February 16, 2019 in zou ding uhi.

Camp honna program tuni nitaklam dak 4:30pm in Camp mun ah neih in om hi. Mrs. Nemngaihmawi, Dorcas Coordinator in makaih in Rev. Paukhanmang Guite, General Secretary in Camp honna leh thugenna nei hi.

Camp hunsung in thugentu in Heutunu Liankhoman, Heutunu Dimzangai, Rev. S. Vung Minthang (Director of Ministries), Heutunu Muani Tombing pang ding ua, Counsellor Nu Niankhoching hi ding.

Muntuam tuam akipan semtute zite leh semtu numei hiai camp a kihel mi 97 hi ua, a lut beh omlai ding a lamet ahi. Camp lawhching leh gahsuah hong hih na ding in saptuam te’n i thumna chiat uah phawk ni.

 


EBCC Delhi in Thupiak Gol, mission nasepna tawh kisukha biik kum 1 in hunzek 3 nei uhi. Tuate- Missionary Day, Bible Sunday leh Mission Sunday. Hiaite Mission Comtt (TBMC) tungtawn in seem khe zel uhi.

February 10, 2019 in in Mission Sunday nei ua kikhopna hun zang uhi. Hiai hun ah Director of Missions, Rev. K. Rev Kamchinkhup in Thutak ankuang luina nei in, paikhawmte'n tha ngah mah mah uh ahihdan report zak in om. Tuailaite ngimbik deuh a kikhopna 2:00PM ngial ah, a zawhna a workplace calling tang (pre-evangelism leh indirect evangelism a panna nei) hi a kitheite maitaam sapna hun ah, 'sapna dawng' mi chihtham ngial om hidan a theih ahi. TOUPA ei di'n hoihna e!

Thugenna te hiai ah ngaihtheih
[Audio] [Video]


Previous Next

VIEW ALL PHOTOS

Evangelical Baptist Convention Church (EBCC) Khominthang, New Lamka in Biakinn thak abawl uh luahtheih ding a zoh ahihtoh kiton in tuni (Feb.10, 2019) sunnung Dak 2:00 in honna leh Pathian kiang a latna nei uhi.

Hun Khatna biakinn kong ah zat in om a Pastor N.Vumsong, Local Pastor in makaih hi. Rev. L. Khaikhansong, Divisional Superintendent Lamka South Division in hunte latna thumna nei in Biakinn honna leh Ribbon Cutting Rev. Paukhanmang Guite, General Secretary, EBC in nei hi.

Hun Nihna, Biakinn sung ah Conductor in Pastor N. Vumsong, Local Pastor pang a, Recording Secretary in Upa N. Vungzathang pang hi. Thukidawng simkhawmna Rev. Paukhanmang Guite, General Secretary, EBC makaih in neih in om a, tuazoh in Biakinn latna nei zui ngal hi.

BYF te makaih in mipi lasakkhawmna “Aw Toupa Na Vualzawlna pha” chih sa in, phatna lapawl “Pa, Tapa. Khasiangthou min in, Amen!” chih leng sa uhi. Secretary Report Upa V.Hauchinthang akipan report ngaihkhiakna om in, Rev. S. Vung Minthang, Director of Ministries in thugenna nei hi.

Tuailaiten phatna lapawl “Khovel Kipak Hen” chih la sa in, thilpiak a biakna neih in om hi. Thilpiak te Rev. S. Ginmalsawm, Director of Social Development in lan a, Upa T. Thanglian, Local Chairman in kipahthugenna nei in mipi lasakkhawmna “Toupa Hoih Hi” sak ahihzoh in Rev. V. Thangkhangin, Divisional Superintendent, Lamka North Division in hunkhakna leh Vualzawlna gen in program zou uhi.

EBCC Khominthang a dinkhiak nung Biakinn (building) thum na hita a, hiai Biakinn bawlna ah Rs.54.90lacs vel bei zou hi.


EBC in missions nasepna a partnership a a sepkhawmpih Maharastra Village Ministry (MVM) a kuan dingte thumsakna leh hasotna tuni (Feb. 8, 2019) zinglam dak 9:30am in Conference Room, Dorcas Hall ah neih in om hi.

Hiai hun zatna Missions Coordinator Upa T. Paukhansiam in makaih a, Director of Missions in Missionary te putlakna nei in General Secretary in hanthawnna leh thumsakna hun zang hi. Hiai hun a kihel semtu/Missionary te Evan. NK Naulak, Kamkhenthang, Pauchinlal, Siamzoulian hi uhi. Amaute February 14, 2019 in Nagpur zuan in kuan ding uhi.

 

 


Evangelical Baptist Convention Church Langol, Imphal Division in Pastor Quarter ding a lam uh zoh ahihtoh kiton in February 3, 2019 in honna nei uhi.

Hiai hun zatna zinglam dak 10:30 in Pastor Quarter mun ah zat in om a, Pastor H. Kamzachin in makaih hi. Quarter honna leh Pathian kianga latna Rev. S. Vung Minthang, Director of Ministries in nei hi.

Quarter hon zoh in Biakinn sung ah Biakna kikhop neizui ngal ua, Conductor in Pastor H. Kamzachin pang hi. Mipi lasakkhawmna, nipi thilpiak lakkhawmna leh Building Committee akipan report ngaihkhiakna leng om hi. Thugenna hun Rev. S. Vung Minthang, Director of Ministries in zang in, kikhop zoh in paikhawm mipi ten singpi dawnkhawmna nei uhi.


Page 1 of 52

CONTACT DETAILS

Headquarter
Evangelical Baptist Convention
P.O. Box - 6
Dorcas Hall
New Lamka - 795 006
Churachandpur
Manipur, India


Phone: +91 8259014118
Email: ebc.india@gmail.com
Locate us

© 2018 Evangelical Baptist Convention. All Rights Reserved. Designed By EBC